Գիտելիքահենք տնտեսությունը որպես զարգացման այլընտրանք:

ՀՀ վերջի տնտեսական, քաղաքական և ռազմական իրավիճակները ստիպեցին տարբեր մակարդակներում քննարկել և բացահայտել ՀՀ տնտեսական ներուժը և ընդհանրապես ՀՀ զարգացման հեռանկարները և նրա առջև ծառացած խնդիրները:
Ցավոք քննարկումների և ուսումնասիրությունների արդյունքում բացահայտվեցին ավելի շատ բացթողումներ և թերացումներ քան դրական կողմեր: Ինչևիցէ, պետք է անցյալից քաղել դասեր և ավելի հստակ և խելամտորեն շարժվել առաջ:

Բազմիցս ներկայացրել ենք այն տեսակետը, որ այսօր ՀՀ-ի համար հեռանկարային և խելամիտ ճանապարհ է հանդիսանում գիտելիքահենք տնտեսությունը:
Այսօր, առավել քան երբեք, կարող ենք վսատհորեն ասել որ Հայաստանի Հանրապետության զարգացման, հզորացման, աճի և կայունության համար անհարժեշտ են երկու գործոն՝ գիտություն և ռազմական արվեստ: Առաջինն երկիրը զարգացնելու, երկրորդն երկրի անվտանգությունը պահպանելու, երկրի հեղինակությունը բարձրացնելու և անկախությունը ամրապնդելու համար:
Լայն քննարկման առիթ է հանդիսանում այն մոտեցումը, որ այսօր խելացիներն են տիրում աշխարհը, ով ունի գիտելիք և խելք կարող է տիրել ամբողջ աշխարհը: Մյուս կողմից չմոռանանք այն ահյտնի ասացվածքը, որի համաձայն ուժն է ծնում իրավունք: Կամ Խրիմյան Հայրիկը հայտնի խոսքը երկաթյա շերեփի մասին:
Համադրելով այս երկու փաստերը կարելի է ասել, որ այն երկրները որոնք ունեն ամուր և զարգացած գիտություն և բանակ կարող են վստահ քայլել այս աշխարհում և որոշակիորեն իրենց կամքը թելադրել ուրիշներին կամ գոնե ստիպեն որպեսզի մնացածները հաշվի նստեն իրենց հետ:
Հիմք ընդունելով վերոնշյալներն այսուհետ փորձելու ենք այստեղ պարբերբար ներակայացնել գիտության, գիտեիքահենք տնտեսության վերաբերյալ տարբեր տվյալներ, վերլուծություններ և առաջարկներ: Իսկ ռազմական արվեստի և նրա զարգացման վերաբերյալ վերլուծություներն կթողնենք ոլորտի մասնագետներին:
Բանակի և ռազմական գործերը կքննարկենք այնքանով, որքանով դա կառնչվի գիտության և տնտեսության հետ: Ապրիլյան քառօրյա պատերազմը ապացուցեց այն փաստը, որ այսօր գիտության և բանակի միջև կա ամուր և կարևոր կապ, և որ գիտությունը այստեղ ևս անելքիներ ունի:
Տարբեր վերլուծությունների, հոդվածների, նորությունների ուսումնասիրությունից պարզ է դառնում, որ այսօր ՀՀ ունի բարձր զարգացած կրթություն, գիտություն և կարող է մրցակցել ամենատարբեր երկրների հետ:ՀՀ-ում իրականացվում են տարբեր գիտահետազոտական ծրագրեր, հետազոտութուններ, կատարվում են ահռելի ներդրումներ:
Այս բոլորին կարելի է հավատալ մի փոքր վերապահորեն.

1.  ՀՀ գիտակրթական մակարդակի և մրցունակության մասին դատողություններ պետք է անել ոչ թե նորությունների կայքից կամ այլ ահշվետովություններից, հիմնականում հայկական, այլ միջազգային տարբեր ոլորտներ և առաջավոր ու հեղինակավոր գիտահետազոտական և տնտեսական կազմակերպությունների հաշվետվություններից, գնահատականներից,
2. ՀՀ գիտական պոտենցիալը ցայտուն կերպով արտահայտվում է ՀՀ կատարած գիտական, նորարական, աշխատանքների միջոցով,
3. Գոյություն ունեն մի շարք ցուցանիշներ, որոնցով չափվում է երկրի գիտակրթական մակարդակը,
4. Մեծ անակությամբ կատարած գիտահետազոտական աշխատանքները և նրանց վրա ներդրում կատարելը դեռևս չի նշանակում արդյունք կամ օգտակարություն:

Այս և մի շարք այլ հարցեր կփորձենք պարբերաբար ներկայացնել, քննարկել և ինչու չէ նաև իրականացնել տարբեր հարցազրույցներ ու բանավեճեր այս բնագավառում:

Հ.Գ. ՑԱՆԱԿՈՒՄ ԵՄ ՀԱՏՈՒԿ ՇԵՇՏԱԴՐՈՒՄ ԿԱՏԱՐԵԼ ԱՅՆ ՀԱՆԳԱՄԱՆՔԻՆ, ՈՐ ԿԱՅՔՈՒՄ ՏԵՂ ԳՏԱԾ ՀՈԴՎԱԾՆԵՐԸ ՔԱՂԱՔԱԿԱՆՈՒԹՅԱՆ ՀԵՏ ՈՐևԷ ԿԱՊ ՉՈՒՆԻ և ՄԵՐ ՆՊԱՏԱԿԸ ՉԷ ՔՆՆԱԴԱՏԵԼ ԿԱՄ ԳՈՎԱԲԱՆԵԼ ԿԱՌԱՎԱՐՈՒԹՅԱՆԸ, ԻՇԽԱՆՈՒԹՅԱՆԸ, ԸՆԴԻՄՈՒԹՅԱՆԸ ԿԱՄ ԱՅԼ ՄԱՐՄԻՆՆԵՐԻ: ԱՅՆ ԿՐՈՒՄ Է ԶՈՒՏ ԳԻՏԱԿԱՆ ԲՆՈՒՅԹ ԵՎ ՈՂՋՈՒՆՎՈՒՄ ԵՆ ՑԱՆԿԱՑԱԾ ԱՌՈՂՋ ՄՏՔԵՐ, ԱՌԱՋԱՐԿՆԵՐ, ՔՆՆԱՐԿՈՒՄՆԵՐ, ՔՆՆԱԴԱՏՈՒԹՅՈՒՆՆԵՐ: ՇՆՈՐՀԱԿԱԼՈՒԹՅՈՒՆ ԸՄԲՌՄԱՆ ՀԱՄԱՐ....